هنحلم بـ إيه ولا إيه ..

من طرف HaNaN الإثنين يوليو 06, 2009 6:19 am

يظهر إن جيلنا الحالي هيفضل طول عمره
يحلم بدخول منتخبنا المصري كاس العالم ..

بس والله أنا شايف إن الحلم ده .. حلم هايف وماله معنى .

طبعا هتقولولي .. إيه يا أخ إنت .. الكلام اللي بتقوله ده ..
إنت معندكش إنتماء .. ولا فاقد الوعي .. ولا إيه حكايتك ..؟!

طيب بس بس ...
براحة عليا شوية ..
وإسمعوا ووعوا كلامي ..
وبعدين إحكموا عليا ..

ده أنا والله بحبكم وعايز بس أخفف الهموم من على أكتافكم ..

إزاي بقى .. هقولكم

هو إحنا يعني هنحلم بإيه ولا ايه ..

هنحلم بيوم نرى فيه بلادنا بتتقدم ثقافيا وإقتصاديا وعلميا لتتفوق على دول العالم المتقدم .
ولا نحلم بدخول كأس العالم أفضل ..!!

هنحلم بيوم نرى فيه كل شاب خريج جامعي يجد ثمرة تعليمه حصادا لـ ( ستة عشرة عاما ) قضاها من حياته في التعليم .. ليجد وظيفة محترمة توافق تخصصه .. ومستوى إجتماعي ملائم .. ومستوى مادي مناسب يكفيه على الأقل إحتياجاته الأساسية .
ولا نحلم بدخول كأس العالم أفضل ..!!

هنحلم بيوم نرى فيه .. تحسن الظروف الإقتصادية للشباب .. وإقباله على الزواج .. حتى نقضي على ظاهرة العنوسة التي زادت بشكل مهيب في بلادنا .
ولا نحلم بدخول كأس العالم أفضل ..!!

هنحلم بيوم تتحسن فيه أخلاقنا لتوافق تقالدينا وعاداتنا الإجتماعية وتعاليمنا الدينية .. حتى نرى البنات يخرجون من منازلهم .. وهم آمنين على أنفسم من جرائم السرقة والإغتصاب .
ولا نحلم بدخول كأس العالم أفضل ..!!

هنحلم بيوم نرى فيه منتاجاتنا المصرية والعربية تغزو الأسواق .. بدلا من ثقافة الإستهلاك .. لنخرج من رحمة إنتشار المنتجات الصينية .. ونحس بقى إن لنا معنى في العالم .
ولا نحلم بدخول كأس العالم أفضل ..!!

هنحلم بيوم نرى فيه إنتصارا لكرامتنا العربية والإسلامية المهانة في كل مكان في العالم ..
ولا نحلم بدخول كأس العالم أفضل ..!!

هنحلم بيوم عودة الأراضي المقدسة وتحرير فلسطين .. ونرى فرحة أخواننا الشعب الفلسطيني التي لم أراها منذ أن خرجت للحياة .. ونسترد كرامتنا وأراضينا المسلوبة .
ولا نحلم بدخول كأس العالم أفضل ..!!

هنحلم بيوم نرى فيه وحدة الشعب العراقي الشقيق ويخرج من الأزمة التي سببها الرئيس الأمريكي السابق .. ونتحرر من التدخل الأجنبي في شئون بلادنا العربية .
ولا نحلم بدخول كأس العالم أفضل ..!!

هنحلم بيوم نرى فيه وحدة الدول العربية .. حكومة وشعبا .. وتزول الخلافات مع زوال الحدود التي وضعها الإستعمار بيينا .. ونصبح دولة واحدة ..
ولا نحلم بدخول كأس العالم أفضل ..!!

هنحلم بيوم تختفي فيه الرشوة والمحسوبية ليأخذ كل فرد في المجتمع حقه على أكمل وجه .. دون ظلم عليه أو مجاملة لحساب الغير .
ولا نحلم بدخول كأس العالم أفضل ..!!

هنحلم بيوم نجد فيه الشخص الذي يضيء شمعة ليمحو بها
ظلمة التخلف الذي نتخبط فيه ..
ولا نحلم بدخول كأس العالم أفضل ..!!

أحلام كثيرة يريد نعرف نحققها ..
وبعدين نبقى نفكر في كأس العالم ..
إخواني الأعزاء ..
أنا مش ضد لعبة كرة القدم ولا حتى بكرهها ..
بالعكس ده أنا أميل لتشجيع أحد الأندية ..
ولكن ليس على حساب أولوياتي في الحياة ..
وليتنحى التشجيع جانبا حتى أتفرغ من تحقيق أولوياتي ..
فهناك أولويات في حياتنا إذا إستطاعنا تحقيقها ..
عندها يصبح دخول كأس العالم
حلما يتسحق الإهتمام به ..
ولا إيه رأيكم ..؟

من طرف **Not Invincible** الإثنين أغسطس 03, 2009 2:00 pm

كلام مزبوط وانا عن نفسي مش بشجع الكوره

من طرف **nemo** الخميس أغسطس 06, 2009 3:57 am

كلام جميل حبيبتى

بارك الله فيكم

ربى يسعدكم

هنحلم بـ إيه ولا إيه ..

هنحلم بـ إيه ولا إيه ..

رد: هنحلم بـ إيه ولا إيه ..

رد: هنحلم بـ إيه ولا إيه ..